20110812

星期五個日朝早6點幾就起身,跟Pong車出去,佢車我返青衣,因為10點半要同媽去仁濟洗傷口,返到屋企7點幾梗係瞓多陣先,瞓到8點姐姐開軍曹比晉晉睇,要噪醒晉晉

佢就即刻彈起身,話學校同佢慶祝生日,買左個thomas蛋糕,之後我就幫佢換衫,打開黎影下相,4個人陪佢返學,送左去學校之後,我,爸媽去食早餐,之後我陪媽坐的士去醫院
護士姐姐話今日多人所以要等耐d,足足等左一個鐘,但唔洗15分鐘就洗好,去左千色店同媽行左一陣,又買左個玩具比晉晉啦

返到屋企12點幾,晉晉又放左學,我就開始陪佢玩,1點半去飲茶,由屋企行去飲茶嘅路本來係5分鐘唔洗,但帶住佢行左15分鐘,又話要玩彈波波,又要尼個玩具未買,又尼又羅~唉!!真係煩死

去到酒樓仲衰,佢鐘意除鞋坐晒張椅度,又要日唔著返對鞋落地,又鐘意坐係地下,又係地下度爬,真係激死我,搞到我連野都唔食帶佢返屋企,不過佢返屋企個時又乖喎,又唔會叫買野,行去睇兩睇,又放低走人,跟住係個士多見到人地擺d紙巾擺得唔靚,又幫人擺齊佢,最後都好順利咁返屋企

平時得爸媽陪佢嘅時候佢四點幾五點就會瞓覺,我個日係咁叫我玩,佢都無瞓過覺,真係仲攰過返工呀

到3點幾佢痾左屎之後就沖涼,仲要浸浴,尼個時候係最寧靜

到7點幾姐姐仲未返黎呀,我阿婆開左房個閘無關,比佢入左房拎左卷廁紙出黎,真係無眼睇囉,我媽媽真係辛苦啦~

不過佢咁樣都係爸媽太錫佢啦,而且晉晉淨係怕佢爸爸咋