又白又滑

今日係短週唔洗返工, 瞓到10幾換衫出旺角搵Pong食飯, 食飽飽我坐車出尖沙咀行街街, 因為take 5今日大減價, 係人山人海之下比我揀到兩件衫, 一件係我一件係Pong嘅, 買完衫坐車去旺角等我同事, 佢帶我去佢做開個間美容院度做facial, 5點去到幫我洗面之後就同我吱黑頭&粉刺, 真係痛到阿媽都唔認得, 搞掂晒所有野成7點幾啦, 咁我同事就去搵佢男朋友仔, 我就去搵Pong, 買左杯珍珠奶茶之後就坐車返屋企啦, 返到屋企開飯啦, 之後就睇佳麗, 以家我塊面好乾淨呀, Pong初初見到我時好似叮左一聲咁, 白左好多呀..
見屋企人瞓晒所以無聊影下, 比D意見呀, 我影左好多張, 得一相可以見下人咋, 我請問一個問題, 頭先我開閃光燈影, 影出黎好唔自然, 點先可以影得自然D呢