又想講下Pong弟弟個女朋友,佢每日都係朝早起身沖涼,本來公司未改制度之後對我黎講係無影響,但以家改左之後真係好麻煩,沖涼沖足半個鐘,搞到我以家晚晚攞定牙擦放係廚房,但係擦完牙洗完面就會急尿,次次都急到我死,當佢沖完涼之後4個人就會排隊去廁所,尼排Pong都早左返工,連佢都唔多like
有時我會同同事講佢,同事問我佢又無自己嘅房點解仲要係度住,同樣嘅問題我問Pong,佢話佢唔知醜囉,咁我又覺喎,佢地嘅活動空間只有廳佢地得一個衣櫃、幾隔拖'筒'都係佢媽間房,每朝早佢沖完涼換埋衫會走入佢媽媽間房度化妝(世伯伯母係房),佢成日都出出入入人地阿媽間房唔覺得好唔知點架咩??就算係幾熟都好始終都唔係自己阿媽我會覺得好怪囉,點解唔叫埋佢弟弟去佢度住呢,起碼返工又近d呢
不過佢地應該無可能會搬啦,因為最近都唔覺得佢有睇樓,但可能會買介子,Pong睇到佢地有本卡地亞catalog,佢仲話快d結啦,其實結唔結唔係一個問題,最緊要佢地搬
星期日個日Pong朋友黎屋企玩,Pong都有同佢地講,有個朋友仔話,可能想佢爸爸比埋首期喎,不過都無可能啦有錢都留黎養老啦
的確好麻煩喎 , 咁既環境 , 比著我早搬早著 , 一來無自己空間 , 二來化妝又要走入世伯伯有間房 , 點得架 , 細個阿媽都教落 , 去到人地屋企 , 絕不能茂茂然入人地 d 房 , 更何況妳話世伯伯有仲係房 , pong 細佬同女友都好................. xxxx <- 唔方便打 , 要世伯比埋首期 , 不如叫世伯供斷埋呀~~ 有錢買樓啦 , 仲買卡地亞
回覆刪除[版主回覆08/25/2009 14:45:00]我住左咁耐有時要入世伯間房攞藥酒個d, 我都叫Pong幫我攞, 始終都唔係自己阿爸阿媽嘛, 老人家有錢都用黎養老啦
咁大個人喇...佢都幾厚面皮喎...
回覆刪除如果我有個咁既女真係羞家呀.....
[版主回覆08/25/2009 14:47:00]第時我都會教小朋友唔會咁做囉,
做人應該要知醜
咁唔方便都可以繼續住,都幾古怪,一定有d嘢!!
回覆刪除[版主回覆08/25/2009 15:21:00]你覺得會有d咩呢??
所以，幾時都話，根本好多男人都對唔住自己既女人， 之後屋企就會有好多大大少少既問題出現..... 有時，你都唔好令pong難做呀...
回覆刪除[版主回覆08/25/2009 15:29:00]根本好多男人都對唔住自己既女人<---點解???
我唔會令佢難做, 我係佢屋企好乖架, 幫手做家務,
就算佢爸媽返大陸, 佢媽都會叫我幫佢淋花嘅...
始終唔係我屋企人, 一定有唔鐘意嘅時候,
咁我咪會私底下同Pong講囉, 但我講完就算嘅
根本好多男人都對唔住自己既女人<---- 打錯晒... 應該係，根本好多男人都睇唔住自己既女人，男人係控制唔到女人的。
回覆刪除樓價升左咁多, 梗係 hold 住先啦.........
回覆刪除不過佢又蠢既, 世伯問佢又唔要間房.............
你地就好啦, 夜晚有野睇喇...........
[版主回覆08/26/2009 13:04:00]咁世伯咪買得合時囉,
佢比錢我, 我都唔睇呀