悠閒星期六

今日長週要返工, 返到公司就算有野做都唔想做, hea下上下網咁又1點, 本來諗住放工出旺角行下, 點解敵唔過睡魔, 坐車返到觀塘食左碗河粉, 以家差唔多隔一個禮拜六都食感覺有點悶, 食飽返屋企換衫瞓覺, 世伯伯母3點幾出左門口返大陸, 4點幾Pong打比我叫我起身, 5點幾出門口去尖沙咀, 佢係a.p.c度買左套西裝, 因為23號要做伴郎, 而且佢有好幾位朋友仔會結婚, 所以買一套著幾次

買完野, 行去嘉連威老道諗住食北海道麵, 但無開咁就行一陣搵左間食越南野, 96蚊一個小食, 兩碗麵, 兩杯飯品, 味道ok又唔算太差, 食飽行左一陣買左兩件tee之後坐車返觀塘, 係apm買票睇軍雞

套戲都ok好睇, 佢嘅暴力都仲可以接受到, 個男主角我覺得好慘囉, 又有少少拖長黎做, 不過都直得一睇嘅, 但Pong話佢地打得唔夠激喎

睇完戲返到屋企12點啦, 好似好耐無做運動, 明天早d起身去做gym先