昨日朝早起身時打電話比會計請半日假, 因為實在太眼瞓啦, 瞓到11點幾起身伯母炒返前晚嘅飯比我食, 12點幾出門口返工, 其實我連下半都唔想返架, 因為有個同事要去旅行交低左d野比我, 所以我要返去搞, 不過都無咁眼瞓, 我唔明Pong4點幾瞓8點幾仲可以起到身返工, 真係勁
6點3放工, 出旺角去左香格里拉食米線, 好耐無去食啦, 7點50分上combat, 又係新教練都教得唔好嘅超唔好玩, Pong9點鐘約左人去攞帖, 所以我自己玩埋yoga, 都係覺得好辛苦好難做, 10點鐘去沖涼, 10點半搞掂係小巴士等Pong一齊返屋企
個小巴司機真係好恐怖, 上面個速度顯示器去到百幾雖然我成日都覺得個顯示器係唔準嘅, 而且好多司機都係開得好快但都只不過係9x好少百幾咁狼, 一路駕一路呠好似唔鐘意其他車係佢前面咁好似賽車咁, 大佬十幾條人命, 佢自己想死好啦, 唔好要我地陪葬, 之後去到牛頭角巴士有個女仔叫落車, 關左門之後又有個男人叫牛頭角地鐵站, 之後個小巴士好惡咁鬧個男人, 話佢頭先又唔落行兩步都唔得, 佢又左好耐我唔記得啦, 安全返到屋企食飯, 洗埋個面上床打機, 打到12點幾先瞓覺
所以我只會搭綠van唔搭紅van,綠van應該好d.d小巴司機都唔當d客係人.
回覆刪除[版主回覆03/13/2008 11:45:00]但係去觀塘無綠van呀
我以前都經常搭E D van架......真係好亡命架
回覆刪除[版主回覆03/13/2008 11:46:00]好恐怖架
紅van最勁!
回覆刪除[版主回覆03/13/2008 11:48:00]勁恐怖!!!
我試過坐小巴.......好驚囉.....
回覆刪除我呢排都好唔想返工...日日都懶床...
[版主回覆03/13/2008 11:48:00]尼排可能暖返, 所以都好少懶床
我同你一樣..好鬼驚搭小巴..
回覆刪除每次一上紅van都擔心去唔到目的地(啋~~大吉利是~~)
[版主回覆03/13/2008 11:49:00]有時我都會咁諗架....
小巴係一個好特別既行業...........
回覆刪除上車前佢先會當你係客, 你上車之後就已經唔係喇...........
係咪好神奇呢............
[版主回覆03/13/2008 11:50:00]佢當自己係賽車手
落車時都當係客, 因為要比錢
呢D小巴司機真係超唔掂檔呀!!!!!!!!!!!!!!!!!!!
回覆刪除真係叫佢食c啦~~~~~~~~~~~~~~~~~~~~~~~~~~
[版主回覆03/13/2008 11:55:00]有時佢地真係會鬧人架
百幾…賽車比賽呀!仲罵人。我坐開綠van,最多都係八十幾。
回覆刪除[版主回覆03/13/2008 11:56:00]百幾都係一次, 真係怕怕
試過跟紅van踩大埔道,係130咪
回覆刪除[版主回覆03/13/2008 11:56:00]唔係嘛!!!
有的司機真係幾火爆架, 好似更年期咁
回覆刪除[版主回覆03/13/2008 11:57:00]係呀, 仲煩過d女人
綠VAN 都咁...真恐怖
回覆刪除[版主回覆03/13/2008 15:55:00]我坐個駕係紅van呀