習慣

以家每朝我一定會聽在晴朗的一天出發, 其實我係為左聽林海峰, 不過佢以家仲放緊假, 但聽聽下又覺得幾好聽, 佢地講時事, 聽到返到公司就會熄機, 到4點鐘又會聽萬世巨星, 以前我好唔鐘意i love boy's, 因為我覺得佢地d做型好白痴, 但以家覺得少爺占真係超好笑, 有幾次我仲聽聽下笑左出黎, d同事就望住我

6點鐘放工, Pong係火車站等我, 無去做運動, 因為教combat嘅教練唔係咁鐘意所以唔去, 去左尖沙咀行街, 我地去左海防道街市裡面度食麵, 我覺得麻麻地, 食完個口好似有陣味咁, 之後就行商場, 去starbucks買咖啡, 仲買左個朱古力蛋糕添今次係第二次食, 好好味d朱古力好濃, 正!!!每日最開心嘅都係有好味嘅食物啦!!

食完野周圍行到9點幾就坐車返屋企啦, 伯母炒飯我又食左少少, 睇完"最"之後就去沖涼, 瞓覺前梗係要打一陣機先啦, 12點幾瞓覺啦