觀完禮之後去左澳洲牛奶公司度食野,食完佢d同事就去篤波,我同Pong就周圍去飲埋糖水,大約7點幾就去逸東酒店啦,係咪每間酒店都會有條長樓梯呢??14個人坐一圍枱,佢地就好似同事聚餐咁,都幾開心呀
不過我真係唔著得高踭鞋,著左一陣就好痛同好攰啦,有時想女仔d都唔得
12號公眾假期樓下錶位可以免費泊到10點,9點幾又出左觀塘,我係陶源搵位飲茶,佢就去買票睇街舞3D,食飽野就apm行街,又忍唔到手買左條褲
我覺得舞出真我好睇d,主角跳得勁d,尼套個女主角真係麻麻地跳得,反而有個配角跳得仲勁囉,但係我都無後悔入戲院睇嘅,琴日登記左街頭舞課程,佢話會電話通知我嘅,唔知收唔收呢
Pong以家要返學啦,一個禮貌返兩日,11月之後返四日,所以我要搵d野學下啦,遲d搵d攝影課程報先,因為唔想成日返屋企對佢某人同某某人囉
哇...妳真係好學 學跳舞之前都有唸過下
回覆刪除但係家下要湊仔冇時間嚕....
妳要努力加油呀~學攝影都一樣呀~
[版主回覆09/14/2010 15:21:00]哈~~其實係登記左, 都未通知比錢
某人同某某人唔係搬左啦咩.............
回覆刪除[版主回覆09/14/2010 15:50:00]今個星期六先收樓, 而且都未裝修, 我諗年尾啦
我老公宜家都返學, 一星期返四日
回覆刪除所以我都好無聊, 要搵野學下先, 哈~
[版主回覆09/15/2010 09:07:00]哈~~咁你諗住學咩呀??
每次參加婚禮都感動.但能否尊守承諾又是另一件事.
回覆刪除[版主回覆09/15/2010 09:09:00]係呀, 有d可能離婚收場嘅
最憎就係去婚禮同飲,一d都唔感動,仲要做人情
回覆刪除[版主回覆09/15/2010 10:04:00]我都唔鐘意, 因為要比人情
最近好多電影要睇...哈哈!!
回覆刪除[版主回覆09/17/2010 09:24:00]係呀, 我想睇甄子丹個套新戲呀