星期日1點幾做完gym係旺角hea左一陣,
行去九龍公園游水,點知勁多人排隊,
咁我地就行下食下野等6點半第三節,
其實由旺角行去尖沙咀都已經腳痛啦,
仲要行多兩,三個鐘等游水,
6點已經頂唔順係游池出面坐住等,
7點鐘開始多人啦,游兩步又要停一停,
而且我可以唔用浮板都游到幾步啦,
不過唔識一路游一路呼吸囉,
游到7點半實在太多人,
所以都係沖涼走人啦,
行返落旺角攞車返屋企啦...
星期一放工諗住去游水,
不過返到屋企食埋飯已經8點半啦,
再出去屯門泳池都9點,
所以都係放棄,
臨瞓前執好晒野
第二日一定去游,
但天有不測之風雲,
竟然落天雨
我諗尼幾日應該都游唔到啦
唉!!端午節個日去左行山,
仲未upload d相
九龍公園游水成日都係好多人
回覆刪除跟本游唔到水
[版主回覆06/24/2010 09:22:00]係呀, 游幾下又要停囉
九龍公園我去過一次, 勁多.......紅蟲, 游完周身痕, 以後都唔敢去公眾泳池............
回覆刪除[版主回覆06/24/2010 10:18:00]紅蟲???畏魚個d???比你講講下我都驚添
應該係餵魚果d 喇.........之後咪有紅蟲事件囉, 幾年前囉..........
回覆刪除[版主回覆06/24/2010 12:56:00]嘩!!好得人驚啫, 不過沙灘都一樣污糟, 咁即係又唔洗游
太多人真係好難游, 沙灘又dirty, 香港地搵個地方游水超難~~ 你去旺角做Gym, 邊間呀??
回覆刪除[版主回覆06/25/2010 09:10:00]有時係沙灘要同垃圾一齊游水嘅 我係california囉
今日那場早雨...實在係....可怕....
回覆刪除[版主回覆06/25/2010 09:11:00]好彩我遇唔到喎
太多人俾我就唔會落水游囉....
回覆刪除因為真係好污糟.... ...
[版主回覆06/25/2010 14:58:00]最衰屋企附近無私人泳池啦
算把啦!行咗成日都冇力游啦
回覆刪除依幾日都落大雨,行雷,唔駛游室外 lu 。
[版主回覆06/27/2010 20:44:00]係啦, 不過室內都唔會去游囉, 怕凍呀