星期二同Pong三個同事去旺角食飯,
食飯前去左百老匯問價,
分期要叫多3%,
3%梗係唔買啦去左打冷,
打到10點鐘再去豐澤睇下,
本來想買$18xxx個套裝,
但無貨,淨body就有大把貨,
之後阿哥哥仔就叫我地買body+枝鏡,
因為$18xxx個枝鏡其實唔值$6xxx,
咁佢就介紹左$8xxx嘅鏡,折左$79xx,
最後埋單$21xxx,
送左一套大富翁,一個錢箱,兩隻咖啡杯,
我淨係要左個錢箱,其他都送左比佢同事,
搞到11點幾先走人,真係唔該晒佢嘅同事,
我幫我叫佢地計平d
買完之後都有少少失落感,因為實在太貴啦,
咁大個女都未試過買咁貴嘅玩具架,
不過好彩就快出雙糧啫同埋逗利是,
其實都唔知會唔會無得出雙糧添...
好想帶部機返去同晉晉影相,
但我怕媽媽會話我呀
星期六Pong要返工,
我應該會去黃金海岸行下
加油 , 影多 d 靚相 post 上黎呀
回覆刪除[版主回覆12/17/2009 12:36:00]知道....haha
好有錢呀, 一買就買 L 鏡.........
回覆刪除慢慢玩啦, 呢個氹黎架..........
[版主回覆12/17/2009 14:43:00]其實都唔係好識玩咋,
有好多制都唔知咩黎嘅
我唔會越黎越深嘅....
7D好正呀~ 有冇試過部機&枝鏡呀? 係咪好正呢!
回覆刪除[版主回覆12/17/2009 22:37:00]係呀, 好正呀, 星期六會去試機
火妹, 我見出面賣枝鏡冇折都係 76xx咋wow^^
回覆刪除[版主回覆12/17/2009 22:37:00]咁平, 你係邊睇呀??
恭喜晒!!你地終於買單鏡反光機啦!!近來天氣陰暗,空氣重要好好保護部新機, 你地要買防潮箱放置相機, 因為鏡頭同body入左水氣好難攪, 要攞去canon廠整.......另一經濟方法, 係買密封箱放少計防潮珠, 用作"抽濕"
回覆刪除[版主回覆12/17/2009 22:37:00]我會去買架啦
兩皮嘢唔叫玩具啦 ,我全屋玩具加埋唔知有冇一皮
回覆刪除[版主回覆12/18/2009 08:53:00]你咁多公仔都無....
幾時幫我哋三兄弟影寫真先。
回覆刪除[版主回覆12/18/2009 08:53:00]有好多制我都仲未識用呀...
我都好想見你三兄弟呀
係喎, 買貴左喎, 下面個網頁好有用, 有齊相機鏡頭價錢, 不定時 update, 都幾準, 下次買之前睇睇先啦............
回覆刪除http://www.ygdragon.net/index.php?page=photo/cameraprice.htm
其實呢, 我有d 擔心 4.0光圈太細, 影晉晉可能有d 難度...........
[版主回覆12/18/2009 11:26:00]係喎, 算啦都買左啦...可能我地真係太心急啦
我都唔敢帶相機返屋企
嘩!!!你真係好捨得
回覆刪除我諗我要到將來生bb時先會買部靚機
[版主回覆12/18/2009 11:27:00]其實唔捨得啦, 以家仲肉痛緊架,
諗左好耐先買架
7D + 24-105 正 星期六 下午 我都會跟朋友去 圓圓學院影花花....
回覆刪除[版主回覆12/19/2009 09:06:00]係荃灣呀???
我都好想買24-105.. 可惜最近無乜錢之餘.. 做分期又要收息... 所以都要忍忍手~
回覆刪除[版主回覆12/19/2009 09:07:00]新年出雙糧買啦
恭喜哂!又多個中毒
回覆刪除買咗就安樂哂,大家有靚相睇
Oh!原來妳係 Canon 友,部機好用嗎?
[版主回覆12/23/2009 10:52:00]haha~~我嘅毒又唔係好深啫
好用呀, 不過真係好重呀
嘩~ 好捨得呀~ 我都好想要..
回覆刪除[版主回覆12/23/2009 10:53:00]唔捨得架....荷包仲未回復元氣