今日放工返到黎屋企睇下缸魚,魚缸白冒冒一片D水奶白色,好似去左大冒山咁,原來係世伯無野做幫佢地換水,佢見到個泥底好污糟就搞下佢,結果泥底D污糟野浮晒出黎,跟住再睇下D BB魚唔見晒嘅,原來佢用左個超大玻璃杯裝住放左一窗台...唉!!!
真係好唔開心,初初養魚我真係好開心架,周圍上網搵資料,問下人點樣可以令到開缸第一缸魚死得最少,因為Pong公司嘅同事睇死我地缸魚一定會死,結果一個禮又一個禮拜咁游下游下,個時真係好開心同好滿足架,不過最後都係死過一條,之後又去金魚街周圍睇下,又買左D清潔用品比佢地,諗住好好照顧佢地,以家我真係無晒心機啦,希望佢地捱得過啦
呢D要經驗咖,失敗再嚟過,唔駛灰心
回覆刪除[版主回覆07/27/2009 23:23:00]唉!!!我都知要經驗, 但佢爸爸係一個完全唔會聽人講野嘅老人家黎架, 永遠就覺得自己做得到, 唔需要人幫, 唔聽人講, 到做到出黎錯晒, 又發脾氣, 我係外人所以都唔會理啦
老人家係咁咖啦,唯有忍吓啦。你都唔算外人啦!!
回覆刪除[版主回覆07/27/2009 23:48:00]唔知呀.....有時感覺係囉
唔係呀,攪成咁好難養囉?
回覆刪除[版主回覆07/28/2009 10:17:00]係呀, 以家都唔知點呀
個個老人家都係咁架啦, 睇開d 啦...............
回覆刪除[版主回覆07/28/2009 10:19:00]NO...以前我爺爺都唔係咁架, 無咁臭脾氣, 做錯野又唔認, 仲好似成屋人得罪佢咁, 好彩我爸爸唔係咁啫
下次你地先下手為強囉
回覆刪除[版主回覆07/28/2009 14:17:00]尼樣野好難, 因為佢唔洗返工,
叫佢唔好換又唔聽
可唔可以放係間房...等佢掂唔到呀, 因為再係咁..都好有問題呀....
回覆刪除[版主回覆07/28/2009 14:20:00]間房無咁大, 而且個魚缸係佢爸爸買, 我地淨係買左幾條魚同水草, 以家只可以唔理囉
真係難為左缸魚
回覆刪除[版主回覆07/28/2009 16:51:00]唉!!!!係呀....都有生命黎架
不如放d假既魚!自己係房先養真既魚囉!嘿嘿
回覆刪除[版主回覆07/29/2009 20:49:00]房無咁大可以放得落個魚缸喎