三日假期

星期六本來長週, 但黑雨嘅關係所以放假, 11點幾轉左黃雨Pong就要返工, 5點幾出沙田搵佢, 食左少少野坐車返青衣, 見到家姐佢肥左好多呀, 終於都開估啦係個仔仔黎嘅, 以家知道買咩衫仔比bb啦

星期日9點鐘起身, 10點幾出門口, 係旺角m記買早餐係更衣室食, 11點玩body pump, 12點玩body combat, 玩完係旺角食野, 食飽坐車去中環, 係bathing ape睇衫, 無野岩, 之後去左專貴視力睇眼鏡, 初初諗住睇, 點知睇多兩睇, 試多兩試, 又心郁郁, 結果都落左訂, 不過要等兩三個月先有, 比完錢坐地鐵去銅鑼灣, Pong又買左條牛仔褲, 買完野梗係返屋企啦

6點鐘出發返大陸, 約左佢d同事係上水等, 係羅湖過關, 去小肥羊勁勁勁多人要等成20張枱, 我地都係坐的士去第二間小肥羊, 都要等10張枱, 一路等一路流晒汗, 可能假期太多人啦, 點咩無咩, 搞到我好似無咩食過野咁, 之後埋單走人, 去左好似叫"皇室"嘅桑拿, 個更衣室勁大, 沖完涼去大廳又係勁大, 有吧枱, 有餐枱, d按摩師仲可以係電腦度揀, 好似揀咩咩咁, 而且好多香港人, 我地按到4點幾坐車走人, Pong嘅同事就係個度瞓埋, 返到屋企7點幾, 洗完個面瞓覺啦

星期一12點幾起身食左隻紅豆糉, 之後又瞓過, 一瞓就瞓到5點幾, 7點幾食飯, 食飽睇下電視沖埋涼, 諗住12點上床瞓覺, 但係張床度碌黎碌去碌到點幾兩點先瞓得著