遲到錢

我公司返9點鐘, 但到9點16分就要扣錢, 尼個遲到錢我咁耐都唔知點計, 因為我以家少左遲到, 我公司差唔多每一年都會用我地嘅遲到錢尼食一餐飯, 我記得上年係去紅磡個咩鬼大酒店就食buffet, 食完二老闆仲請我地去尖東唱k

昨日公司又用左我地嘅遲到錢去左西貢通記食海鮮, 開左三圍枱, 而且又有三個同事要離職, 所以順便搞埋farewell囉, 其實個度d野食麻麻地, 不過食得開心, 我個圍枱全都係女仔, 有兩個男仔, 佢地好好呀幫我地咁多個女仔整瀨尿蝦, 咁我地食到10點到我就跟其中一個同事車去左沙田, 因為我有下場

去到沙田搵Pong佢地又係要同個同事farewell, 所以去左食飯之後唱k, 飲左三支芝華仕, 玩到2點幾差唔多三點就坐的士返屋企啦