私人空間

私人空間尼樣野除左男女朋友要,同事之間都想要,
有位同事佢一入職就同我一樣帶飯,
成日都係坐我隔離位食,
以家公司無晒吉位就同我同一張枱食飯,
我覺得好煩呀,lunch時間想睇下blog留下言又唔得,
想自己睇下自己d野又唔得,
我真係越黎越覺得好煩呀,
有時同事打耐線比我講野,
佢就企係我隔離死都唔走,
到我收線啦,佢就係咁問我做咩事

仲有件事好令我反感,
佢不嬲食完飯都同我一齊洗碗,
尼排佢都唔知癡左邊條孖根,
幫埋其他同事洗碗,咁我份人又唔會出聲,
咁咪同佢一齊洗囉,我真係超唔鐘意,
你鐘意扮好人,咪自己扮到夠囉,
唔好搞埋我啦...
總之就好多好多,用文字真係好難形容,
可以用貼身膏藥啦
我點樣先可以脫離尼個無私人空間嘅日子呀

有時容忍係有個限度,再係咁我真係唔知幾時會爆呀,
大家都係同事我又唔想搞到咁...唉!!