2010年7月2日 星期五
吸血3
1/7 8點幾起身揸車去apm,
9點幾食左個m記做早餐,
之後就飛奔去百老匯睇"吸血3"
三集黎講第一集最好睇,
第二集都可以叫ok,
但今集就真係差d啦,
最唔鐘意戲裡面嘅女主角咁花心,
同埋好快就搞掂左"維多利亞"
"愛德華"已經無左第一集個種吸引人嘅魅力
不過第4集我依然都會去睇嘅...哈哈哈哈哈
完場之後望下周圍嘅人,
比我發覺一樣野...哈哈哈
就係....有7成都係女人由10幾至50幾都有,
尼套戲個吸引力真係大啦
睇完戲行左一陣apm點幾就揸車去市中心,
我就係稻香等位,
Pong就返屋企接佢爸,媽,弟黎飲茶,
差唔多等左一個鐘,
行左一陣吉之島就返屋企啦,
我同Pong就洗車,仲打埋蠟添,真係好攰,
下次淨係洗車算啦
之後7點鐘約左個人黎介紹個吸塵機同空氣清新機,
做埋試範,可以吸埋床d塵蟎添,
其實都幾吸引,不過空氣清新機要$9xxx,
吸塵機要$22xxx,如果我有錢我都會買嘅
訂閱：
張貼留言 (Atom)
有得分期架, 買啦............買左借俾我用喎...........
回覆刪除[版主回覆07/02/2010 10:09:00]係呀, 24個月添架, 你都知邊隻??
呢套吸血新世紀都出得幾密,好似電視劇咁密
回覆刪除[版主回覆07/02/2010 10:10:00]吸引到女性嘛, 哈
之前有朋友都介紹我用rainbow吸塵機, 要成$20000一部, 太貴喇~
回覆刪除[版主回覆07/02/2010 16:58:00]昨晚睇個部唔係rainbow黎架, 唔記得叫咩, 咁貴搵鬼用咩
我覺得 D 集好睇喎 , 好過第 2 集 , 今集有搞笑位 , 至於 bella 拖拖拉拉 , 可以理解既 至於 edward 的確無前 2 集咁吸引 哥哥今次陪我入戲院睇 , 幾驚佢悶到訓著
回覆刪除[版主回覆07/02/2010 17:00:00]雅各同愛德華嘅對話好搞笑囉
我都覺得愛德華冇之前咁靚仔,中段好鬼悶,維多利亞都好美艷.
回覆刪除一家人飲茶真溫馨.
[版主回覆07/02/2010 17:04:00]係呀, 佢個眼神唔同左, 無之前咁殺死人, 維多利亞個樣唔同左囉, 靚左咁
我都有睇第三集, 不過第一..二就無
回覆刪除或者得閒上網睇番先
吸塵機~我唔會成日用, 仲要咁貴, 好唔抵
[版主回覆07/03/2010 11:52:00]你要快d睇返一, 二集啦, 超正架, 係啦, 我都覺得好貴呀
主角越來越ugly...好似食drug 咁....不過我都有睇呀! 我覺得打得太少了...有點悶....個女主角又太花心....好煩!!
回覆刪除[版主回覆07/05/2010 09:45:00]係啦, 維多利亞組隊吸血隊出黎, 咁快就打完, 有d浪費囉, 雅各錫女主角個時真係有d嬲架
空氣清新機要 $9xxx
回覆刪除吸塵機要 $22xxx
哇...洗唔洗咁貴呀.. ...
[版主回覆07/06/2010 12:33:00]佢地講到好好架
火火, 我都有睇呢套, 仲係fans tim, 書都睇晒.
回覆刪除下集final 應該好睇D, 不過依然會有呢D 3角關係架~
[版主回覆07/12/2010 09:22:00]真係好唔捨得大結局呀....
最後果本書, 佢分左上下集拍, 上集都要到出年11月先有得睇.....
回覆刪除[版主回覆07/13/2010 09:38:00]咁鬼耐, 真係好難忍架...哈