我係尼間公司做左4年加左三次人工,但依然都好低,大假每年都唔夠用咁,頭兩年7日,第三年就8日,每年加1日,最多14日,新年嘅時候通常都會放多兩三日,但係我地d大假度扣嘅,病假係無嘅要照扣人工,但病4日以上就可以出返8成(好似),所以我真係病的話都唔會請病假,因為又要扣人工又要睇醫生好金架,有醫生收據可以收返8成錢,但我上次去家計會做檢查個d就唔得囉,因為係婦科檢查喎
公司有係埃索申請油咭,好似係平兩蚊,我都幫Pong申請左一張
尼間公司工人低福利又唔好,最好嘅咪係放長短週,同無壓力囉
Pong公司請勞資關係主任,每月$13000,無須經驗,不過就要係ive讀一個為期三個月$2000嘅課程,真係有d心郁架,不過好似話岩岩請左人喎
下次有機會我都想走啦,唔想再留係度
你公司已經犯左勞工法例喇.
回覆刪除勞工法例列明每個月有兩日有薪病假, 只要有醫生紙就有得放. 佢唔出果日既人工俾你, 你可以告佢.
搵工啦...........
[版主回覆07/29/2010 10:44:00]我上次上勞工處個網都睇過, 有無好工介紹呀
包人無錯!勞工法係要有病假架! ...... 勞資關係煩死你, 好彩無做咋!
回覆刪除[版主回覆07/29/2010 10:43:00]咁又係要對住d判頭嘅, 不過以前係地盤都試過嘅
讀下d課程都無坏, 增值一下轉工會多些選擇呢, 加油~
回覆刪除[版主回覆07/29/2010 14:47:00]thx!!!應該會嘅
妳間公司d福利真係唔多掂喔...
回覆刪除揾到好路數就快撇 (走人)..
[版主回覆07/29/2010 14:48:00]我都係咁話, 以前都覺得無咩野嘅, 不過自從上次去檢查之後, 發覺無醫療福利嘅公司係完全唔掂囉
其實你加過三次人工, 比起我已經好好
回覆刪除我做左五年, 加過一次咋!!!!!
[版主回覆07/30/2010 09:32:00]但你都可以做到5年都算好啦
唉...有時做耐左就懶得搵
回覆刪除[版主回覆07/30/2010 11:32:00]咁又係嘅, 以前係尼度開心, 所以覺得ok囉, 但以家越黎越唔知點咁, 所以越黎越無心機囉
根本呢間公司完全都唔跟勞工法例, 又冇福利喎, d大假咁少好快用晒, 去旅行都係拎no pay leave咋~
回覆刪除[版主回覆07/31/2010 12:41:00]今年有9日, 但以家得返5日, 11月要請4日去旅行, 新年一定例牌放多2日, 即係又要負假, 我覺得新年放多2日唔扣大假都得啦, 又要咁姑寒, 唉!!!!上次檢查洗左我成8舊水, 以家先知道有醫療福利嘅公司係好重要