麥當奴又平又可以坐得耐,經濟實惠,10點半另一個同學放學又加入戰團,佢黎到傾左一陣竟然話我地知結婚啦,我地梗係開心啦,真係恭喜晒呀
我地吹到12點就走人啦,走時都仲係覺得好興奮咁,好似傾得唔夠
下個月會再約過架~haha
之後結婚同學(A)同另一個同學(B)發生左d事呀,事緣係咁...大家一直以為A係單身,有時問佢係咪拍緊拖佢都話唔係,咁B就叫A一齊去識朋友個d聚會啦,A都OK一齊去架,仲有時介紹下男仔比佢識,而且佢地兩個感情係特別好,成日都係陪佢去邊佢又陪你去邊咁啦
佢地兩個成日係FB就話要長期KEEP住作戰狀態,A又成日講得好灰喎
咁星期五知道A要結婚啦,問佢地幾開始,A就話係上年10月,咁就即係B同A一齊去聚會之前已經一齊,因為A話個時係同男友曖昧緊所以唔出聲,B就覺得你曖昧緊都可以講,佢地兩個咁好朋友,就覺得A係度講大話,好似比A玩緊咁
總知B以家就嬲左A啦~
成卅歲人都仲咁鬼小氣............
回覆刪除[版主回覆08/01/2011 12:18:00]佢話佢愛恨分明呀
b 嬲得無錯 , 係 a 唔岩 , 既然 fd 到咁有乜講唔出口喎 , 抵 b 嬲佢
回覆刪除[版主回覆08/02/2011 09:47:00]唉!!!跟住琴日a打比另一個同學哭住咁講, 話佢都會唔想講野嘅時候呀, 話都唔係想握佢呀, 希望事件快d無事啦
我見好多人都不大明白今次yahoo blog upgrade, 我今天出左篇關於yahoo blog upgrade, 你可以睇下我個new entry, 有講下個情況.
回覆刪除[版主回覆08/02/2011 09:47:00]我都未轉新版~聽人講好似唔好用嘅 thx!!!
咁小事,生氣做咩呀,人地就算結婚都唔講,都可以啦,自由來麻!
回覆刪除[版主回覆08/02/2011 15:50:00]我都覺得小事, 不過b就覺得好似比人當白痴咁囉
冷靜~
回覆刪除[版主回覆08/04/2011 10:23:00]b太過激動啦
如果我係 B,我都會嬲架,不過唔會嬲出面,費事俾人話小器。
回覆刪除[版主回覆08/07/2011 00:30:00]初初真係以為佢無事架, 點知第二日就咁啦~哈