鴨脷洲

琴日星期日我,Pong,伯母揸車去香港仔搵世伯,1點鐘去左鴨脷洲食野,之後行左一陣,唔知係咪肥左,以家行一陣就會出晒汗,我地行左去個唔知咩公園,泊左好多魚船,見到好多鷹係天空飛,仲飛得好低添~

揸車去魔星嶺兜左個圈,再去times square買紅酒,岩岩有哈利波特嘅怖景,行到差唔多5點幾就走,夜晚係佢弟弟屋企食飯,當入伙飯喎~

我叫Pong送我去瑪嘉烈,因為我婆婆入左醫院,痛風症過兩日等隻腳消腫就可以出院,探到7點幾就同姑姐坐小巴去葵芳,我真係十萬個唔想去佢屋企食飯,原來係青衣同婆婆食緊生日飯的,7點幾伯母打電話比我,問婆婆嘅野之後問我係咪會過去,仲叫我慢慢啦,8點幾先行去坐巴士返屯門去佢弟弟屋企

去到佢屋企真係無胃口食野,食左隻雞肶,飲左半碗湯,睇完chokchokchok就返屋企,返到屋企食左個福麵