7．1假期

嘻嘻...又寫返早幾日前嘅野啦

28號短週唔洗返工, 2點幾坐車出沙田搵Pong之後係中旅社買長隆水上樂園票, 3點幾坐火車去羅湖, 去到羅湖坐和諧號去樟木頭

5點半到達好大雨, 所以去三杯鴨度食晚飯先, 食飽去左超市買零食, 出奇地買少左好多, 同埋我覺得個隻蛋卷已經唔好食啦, 甜左好多

跟住就開始睇碟, 睇到11點幾就瞓覺啦

29號星期日7點半起身, 比返工仲要早好多, 去左飲茶天氣還好, 食完野Pong就帶我坐車去章木頭火車站, 坐火車去長隆, 心情好興奮, 落左車再要坐觀光車去水上樂園, 途經見到有個過山車好恐怖, 我一定唔夠膽玩

10點鐘去到換完衫租埋locker就出去玩啦, 首先梗係玩大喇叭, 好多人排足成個鐘, 途中竟然落大雨同行雷, 遊戲暫停左一陣, 好彩過一陣開返咋, 排就排一粒鐘, 玩就玩一兩分鐘, 去左玩第二個遊戲, 玩完去買野食, 無端端勁大雨, 諗住食完野再行出去玩, 頂頂頂頂.....又大風又大雨, 有d野都被風吹走晒, 結果又暫停等左一個鐘之後都係換衫走人啦, 入到更衣室仲嬲, d內地人又唔係換衫坐晒係度搞到搵個地方放袋換衫都唔得, 真係有無搞錯, 換完衫之後又開返, 頂頂頂頂

不過佢開返都無用, 都無晒心情玩啦, 唉!!!!下次再玩過啦

坐地鐵去到廣州嘅商場行左一陣, 因為太攰都係坐火車返章木頭啦, 返到去又停晒雨去左真功夫食野, 佢地d湯好好飲架, 食飽搵坐的士返屋企啦, 返到屋企沖涼, 沖完涼就就無線"好友"&"獎門人", 之後又睇碟, Pong 11點幾就瞓啦, 2點幾起身睇波

30號出奇地陽光普照, 12點幾去左名無餃子館度食野, 食飽返屋企hea下又係睇碟, 瞓下晏覺, 8點幾去食沙鍋粥+一碟菜+一枝啤酒唔洗40蚊, 真係好好味, 食飽去行超市買生果, 食下生果睇下電視2點幾瞓覺

1號9點幾世伯就打比Pong叫我地開門, 因為我昨晚臨瞓前鎖左, 梳洗好去左會所裡面嘅西餐廳食早餐, 食飽去按下腳, 按左兩個鐘, 按我個師父就麻麻地, 因為佢成日掛住睇電視, 按完就返屋企, 開冷氣睇電視, 4點幾Pong落左樓下個泳池游水, 最慘係我唔方便唔游得, 我就係屋企望住Pong游, 5點幾佢游完沖埋涼, 開始執野, 6點幾去食飯, 世伯帶我地去湘府湘城, 都幾多野食, 又坐得舒服

Pong最鐘意尼個糖水, 酒釀湯丸, 我就覺得麻麻地啦

食到8點幾坐的士送到世伯伯母一個地方落車, 我地就去火車站坐車去羅湖返HK, 返到屋企11點啦, 沖埋涼執埋野, 12點幾又要瞓啦