今日短週放假, 今晚睇林狗啦, 真係好期待呀, 之前聽"晴朗", 佢地話有阿葛做嘉賓, 不過做完之後佢唔舒服入左醫院, 唔知以家好返未呢, 唔知今晚有無佢呢, 定係會有第二個呢, 唔知佢d精品被人買晒未呢, 我一定會買林兔公仔
好想快d到今晚呀
星期一放工之後去左沙田搵Pong, 係佢寫字樓坐左一陣就去食野, 係新城市地下有一間叫shakey's pizza嘅物體, 見到裡面食野d人枱面嘅美食就入左去試下
我用左和X寬頻好多年, 因為佢D/L野夠快, 不過隔一個月就會斷線一次, 打去技術支援要聽一大段錄音先有人聽
昨日星期日9點半起身換衫出旺角, 玩11點嘅body pump, 出到旺角10點45分啦, 跑去m記買早餐, 之後一路換衫一路食, 玩完一個鐘又玩埋body combat, 好快又一個鐘, 想走之前見到人地攞yoga mat嘅, 原來係body balance, 咁我又繼續玩啦, Pong就係出面舉下機等我, 又玩完一個鐘, 今次真係要沖涼走啦
林海峰嘅talk show飛已經到我手啦, 仲有8日就到啦, 今次係信用咭嘅優先訂飛度訂嘅, 唔知會唔會好前呢????
上一次
不過有一樣野係好巧合嘅就係上次座位係84同85, 今次嘅座位都係84同85呀, 不過希望唔好好似上次咁遠啦
Pong屋企有兩隻龜龜養左廿幾年, 佢地比我初初見嘅時候又大隻左啦, 有時伯母拖完地, 幫佢地沖下涼之後就會放佢兩隻野出黎玩, 佢地兩個就會大家咬大家條尾, 有時佢地會抓上去我地d鞋度
星期六晚去左apm行左一陣買戲飛睇戲, 之後仲唔知點解行行下會買左對鞋
買完野返屋企沖完涼10點到又去apm, 去左apm嘅美食廣場食野仲飲埋糖水添, 真係超飽, 食完野都係11點半, 行左一陣去埋toilet就等坐場
尼套戲真係要睇, 真係好好笑
星期五我返左媽咪度, 直至晚10點先坐車返觀塘, 返到去走入房我已經見到PS3個盒係地下, 講左幾日終於都買左啦, 而且部PS2壞壞地喎, 而且佢仲話買左個24吋mon, 聽日比埋尾數就ok喎
星期五開始有少少鼻水, 唔係好嚴重, 直至昨日係公司, 勁流鼻水同打丐嚔, 梗係係公司冷親啦, 老闆&M&GM嘅房都係西斜, 下午佢地間房會好鬼熱, 老闆每次返到黎就會較到凍一凍, 我地係出面就凍到雪條咁, 真係想攞件羽絨返工著
5月11日係母親節, 媽媽去左外婆屋企, 所以無同媽咪食飯, 成日都係屋企hea, 到7點幾同Pong屋企人去大排檔食飯, 等左好耐都無得食, 之後就去左觀塘街市嘅4樓, 唔洗等就有得食
8點鐘起身返工, 1點鐘放工, 坐車去cwb係lane crawford買左支香水
昨日請假因為要接爸爸出院, 10點幾媽媽打黎叫我起身, 11點去到醫院, 同媽媽食完早餐上病房, d醫護人員好忙呀, 咁我地就執好野等佢地攞d文件比我去找數同攞藥, 1點幾坐的士返屋企, 返到屋企坐左一陣去左沙田, 因為Pong留抵左野係屋企叫我攞比佢, 比完佢我又要坐火車轉地鐵去筲箕灣, 之前係東touch訂左野有得攞, 由筲箕灣行去什麼星島大廈問左好多人先行到
Lunch去飯茶, 因為又有同事走啦, 要同佢farewell喎, 個飯盒又要隔多一夜啦
昨日10點幾起身, 11點出門口係旺角m記食早餐, 之後就去做運動, 玩12點10分嘅bodycombat, 又見到有人爭頭位啦, 到開始啦, 各不相讓我仲見到佢地踩對方添, 真係好好笑
4月30號星期日係我後面嘅同事last day, 雖然我成日都覺得佢好煩同埋有時真係好唔鐘意佢, 不過佢都教識左我做好多野, 佢亦都係眾人嘅師兄, 因為佢係尼度都做左10幾年啦
