大嶼山之旅

今日一早8點起左身, 9點出門口同世伯伯母Pong食早餐, 食飽飽坐車去東涌搭360去大嶼山, 咁大個女第一次去大嶼山同坐360, 有d緊張, 去到東涌勁多人, 排左一個鐘先上得車, 上到車比我想像中ok穩定, 係車上面係咁影下面嘅風景, 不知不覺就到左啦, 係昂坪個市集度勁大風, 伯母仲送左個馬騮仔嘅公仔比我

之後就行去拜神啦, 係裡面見到好多花, 有人舞龍舞獅, 好熱鬧行左一個圈, 去食齋等左好耐先有得食, 唔知係咪肚餓嘅關係, 都幾好味喎, 食飽飽行去睇天壇大佛, 條樓梯好長好高, 今日個太陽仲好勁添, 不過一d都唔熱只係隻眼好辛苦啫, 仲睇左個大佛博物館, 裡面好靚, 不過唔影得相

睇完坐車去大澳, 我地係東涌買票時係買套票坐大澳車唔洗錢, 到目的地啦勁多人, 買左包燒尤魚, 好似唔係燒得咁好食, 行到入去d村度, 個陣蝦醬味好臭呀, 真係頂唔順, 之後坐低休息左一陣再行過, 出到村見到有麥芽糖夾餅$6, 又再買左包燒尤魚, 燒瀨尿蝦係第二檔度買, 尼檔ok喎, 仲要排隊添, 一路食一路行去巴士站坐車去梅窩, 伯母話想行下沙灘

係梅窩好少人, 而且仲開始凍, 因為已經5點幾6點啦, 買左兩舊蕃薯食, 見到有個外國人掉個波係水, 之後隻金毛跑落水執, 我地企係度睇, 來回好幾次, 我地就覺得好殘忍咁, 唔知個外國人點諗呢???行左一陣坐船去中環半個鐘到, 再坐船去尖沙咀, 係尖沙咀影左幾張相就去坐車返觀塘, 係車到好眼瞓, 返到觀塘已經7點幾8點又買左$20腸粉食, 世伯又炒左年糕, 又食左少少, 真係飽到嘔, 11點幾又陪Pong落街還碟&租碟

明天一定要做運動啦, 尼兩日食完又瞓瞓完又食, 個肚腩又變大左啦

太多相啦, 唔post出黎啦, 如果要睇就入去相簿度睇啦