昨日由3點幾瞓到6點媽媽打黎噪醒我, 換衫出旺角搵Pong坐地鐵去葵芳轉車返青衣, Pong係超市買左兩支紅酒, 去到青衣真係凍好多, 返到屋企第一時間梗係派錢啦, 咁姐姐8點幾返黎啦, 我就攞d野比佢, 嘻嘻, 佢話我係叫你買比我呀, 不過姐夫就好開心, 仲即刻攞出黎睇添, 咁我地無等哥哥就開飯啦, 食到9點半到佢就同個衰女人到啦, 可能我都飲左好多紅酒, 所以我昨晚好多野講, 好開心, 最開心都係見到姐姐同姐夫收到份禮物個時個感覺
食飽飯之後熄左個爐, 真係好凍, 我同Pong差唔多11點就走啦, 返到屋企沖完涼就上床打機, 12點幾就瞓覺啦
個衰女人真係好賤呀, 9點幾黎到食完飯, 半個鐘都無我就聽到佢叫阿哥走, 咁哥哥唔走佢就攞支煙出黎食, 姐姐就即刻話食煙唔該係廚房啦, 之後個8婆就係咁講電話又講得大聲喎, 佢真係一d禮貌都無架, 究竟佢係咩構造呀, 點解哥哥會同個咁嘅人一齊架?????
無法0拉,情人眼裡出西施,講真又係的確難頂0既,無計,妳 哥哥比佢食住0勒....慘!!
回覆刪除[版主回覆02/04/2008 09:41:00]係呀, 我哥哥真係好易蝦架
嘩,咁早食團年飯,呢排仲係忙緊同friend食飯,我諗都係星期三先食團年飯.
回覆刪除乜個女人喺人哋屋企食煙. 應該叫佢出街食.
[版主回覆02/04/2008 12:18:00]咁你都好多朋友喎
唉!!個8婆做d野仲衰都見過啦, 講起真係一肚火呀
姐姐叫你買咩俾佢呀? 你又會唔記得既
回覆刪除[版主回覆02/04/2008 12:19:00]之前姐姐話佢生日, 叫我買野送比佢, 點知我買野比個細多過買比佢, 咁佢咪咁講囉
禮物送出哪!
回覆刪除[版主回覆02/04/2008 12:19:00]係呀
都話女人好易呷醋架啦...................雖然佢都係講笑姐............
回覆刪除[版主回覆02/04/2008 12:19:00]係呀
嘩!!如果比我對住呢d八婆,我一定會寸爆佢,唔使俾面,不過話晒係你阿哥嗰件,先留番少少薄面比佢咋....
回覆刪除[版主回覆02/04/2008 12:21:00]有架, 次次見親佢, 佢講咩我都無面比架