瘋女人

琴日放工去左屯門california度做運動,玩balance其實就好似瑜伽咁,但我覺得balance辛苦d,到最尾會有5-10min瞓係度休息嘅
當關晒燈我地都瞓晒嘅時候,個瘋女人就企係度做頭先教練做嘅動作,咁教練就行埋去叫唔好做啦,咁個女人又唔聽喎,咁後面個男人就出聲啦,初時都好細聲咁講,但越講越大聲

之後個個都比佢噪醒左,個瘋女人係咁話洗比你地d男人管,我最唔鐘意比人管架啦

之後有另外個女人用英文話佢,佢又話係度扮講英文,講英文好勁咩,全部講英文啦,其實個女人由頭到尾話佢都係用英文架~

又話你地班死師奶,尼句重覆左好多次,不過其實佢都係差唔多年紀咋

講英文個女人有粒大墨係塊面度,佢又話人地死大粒墨

之後有兩個STAFF走入黎,個瘋女人就係咁話個教練,關你咩事啫,最衰都係你噪噪噪,佢地鐘意發夢咪由得佢地發囉,係咁重覆又重覆尼句囉

其實個教練都無錯架,尼個係group exercise,你唔想瞓咪拎埋張mat出去自己做飽佢囉~

唔知下個星期三會唔會重見到佢呢~haha...