happy new year

貶下眼又一年,今年的時間過得特別快,今日係2011最後的一年,今年的下半年真係極之唔開心,希望新的一年有新的開始~各位朋友都要呀

小學同學BBQ

12月16號一行16人係九華徑BBQ,尼個聚會我一個電話都無打過比佢地,只係確WHATSAPP咋,真係犀利

聖誕節

各位朋友仔聖誕快樂!!
開開心心!!!
身體健康!!!

做冬

咸蛋超人

從化溫泉遊

12月10號Pong老闆請去望谷兩日一夜浸泉遊,加埋bb一行12人,朝早8點半係葵芳坐中旅旅遊巴,由深圳灣過關,過左關後差不多10點,去到望谷係兩點,真係坐到屁屁痛囉,到達目的地就去酒樓食野,之後就可以上房放低野

沒有Whatsapp

昨日Pong lunch時黎沙田搵我食飯,其實佢係想去數碼通換4S,張佢嘅4比我,3GS換4S,同埋用我個名佢比電話費,哈...D電話plan真係好貴,之前我係用$250無限上網,以家轉左$4xx無限上網,好彩有回贈$2xx啫

2011/11/11黃山遊 Day 3

第二朝食完早餐就出去行下,又係見到雲海啦

2011/11/10黃山遊 Day 2 II

有黃山咁靚的風景,我先可以影到咁靚的相片

坐旅遊巴唔知係個山到轉左幾多個圈,好似頭文字D個隻髮夾彎,之後再要行左一段斜路

等導遊買欖車票,團友們就開始除衫,下午真係好熱

2011/11/10黃山遊 Day 2 I

哈~返左黎咁耐以家先upload...haha

之前因為懶醒搞到有好多相無左,不過經兩位blog友指點下,安全救返所有相片

在酒店食完早餐等出發

疑心

自從媽媽有事之後覺得個胸比以前痛,因為上年到以家個胸周不時都會痛,好似少女發育咁,但我照過超聲波都話無事,只係乳腺新增

BBQ婚禮

11月19號係我小學同學仔結婚嘅大日子,下晝一點幾由公司出發去數碼港觀禮,無任何宗教儀式,個禮堂都ok靚,4點幾仲有少少嘅茶點,食物質素幾好

精神

昨日返青衣同媽媽食飯,順便拎d手信比佢地,我見媽媽精神好左好多,d骨都唔痛,仲可以煮飯添,星期日仲可以去打麻雀喎

2011/11/09 黃山遊 Day 1

2011/11/09

下午3點半機,一行4人1點鐘坐的士去機場,之後搵領隊辦登機,搞掂好晒就自己活動,行下雞場

懶醒

前日係屋企過旅行相落電腦,我張咭好多相都無delete,所以過相時我都淨係睇日子,無睇過d相,因為load得太慢啦

回魂

琴晚11點幾返到屋企啦,去同返班機都delay,不過都平平安安呀~haha

今次係第一次跟團返大陸地方,感覺良好,可能d團友同導遊都ok好啦,到最後一日都有少少唔捨得嘅

天氣真係goodddddddddd呀,係除左第一晚啦~

d相過幾日先整啦,因為要跟返d手尾,同埋好攰呀

今日要起身返工真係有少少唔習慣,感覺自己仲係酒店咁~

zzzzzzzzzzzzzzzz

仲有II日-雲南

10月尾

黃山

星期日同Pong爸媽係屯門美麗華報左黃山團啦,係今個月9號至13號,初初都唔係咁想去,因為無錢呀,成個團4個人加埋$20xxx,最尾仲有個好似導遊費$3xx,返到屋企就上網睇下黃山啦,真係好靚,又唔多想去變左好期待,始終有得去玩唔洗返工嘛,不過會比平日返工早好多起身...haha

最近

最近電視、收音機、上網都係講乳癌,而且我自己又成日搵資料,真係塞到全個腦都係尼d野

真係唔想再睇啦,好煩呀~ 

定下來

昨日姐姐帶媽去睇中醫, 尼個中醫係佢朋友介紹, 佢朋友個爸爸又係癌症患者, 佢朋友爸爸本來食中醫精神都好好, 但做完化療無幾耐之後就屎左喎, 聽完之後媽媽無做化療唔知算唔算好彩呢。

收紅彈

27號星期二同8位小學同學係愉景新城outback食野, 等齊人就派帖~haha, 幾條友都係吹下食下, 當日仲有一個4個月嘅BB女, 真係好可愛

我好驚

20號星期四睇林海峰是但噏我好驚

今日...(更新)

今日下晝3點又要去見醫生啦,其實我都有少少擔心同緊張,唔知醫生今日又會講D咩

由8月頭媽媽做完手術到以家已經3個月啦,都仲未排到做電療,唉!!!都唔知仲要等幾耐

去盡佢

以家Pong一個禮拜上一晚堂,所以多左時間同佢一齊,琴日放工同佢地左黃埔做運動,先玩一堂極速單車班,順利完成一個鐘,之後再玩多堂pump,玩埋尼個對我黎講真係極限啦, 踩過單車隻腳已經好攰啦,玩pump嘅時候都係拎得最輕嘅鐵餅

又要見

9月尾個時同媽去左醫院搞掂晒d野, 就係等醫院打黎話幾時可以電療

岩岩姐姐打比我, 話18號又要去見醫生, 叫我請假去, 因為姐姐尼排放得太多啦, 其實我一個陪媽媽去我真係有d驚架, 唔知醫生今次講d咩, 真係好擔心呀~

可能醫生商量過要轉做化療掛~

生日快樂!!!!

Happy Birthday to me, Happy Birthday to me,
Happy Birthday to me me, Happy Birthday to me

依然擔心

27號個日請假陪媽媽去醫院見醫生, 因為姐姐尼排請得太多, 所以今次我去, 約左11點, 我地10點幾就去到, 護士叫我媽換手術衫之後等叫名, 差唔多等到11點半醫生就叫名啦, 跟住聽醫生講, 比想像中嚴重已經係第4期, 頸位都有一粒, 將來復發機會都好大, 已經佢d骨開始痛, 醫生就見意打補骨針, 見完醫生去左葵芳食野, 到兩點半又要返去做電腦掃描, 劃位電嘅位置, 整左一個鐘之後就返屋企, 夜晚媽媽食左兩碗飯, 話今日好肚餓喎, 其實係之前佢太過擔心, 所以食唔落野


之後返屋企我又上網搵資料, 靈芝有報章話過唔係100%全破壁, 同埋市面有咁多款都唔知邊款ok, 跟住係fb嘅癌症資訊網見到有位醫院寫過編野, 話毒入骨會令到d骨痛, 通常都係出現係乳癌患者身上, 尼d算係嚴重生命維持兩年, 睇完之後我梗加瞓唔著~唉


我想買d營養品比佢食又唔知買咩好, 好煩, 好唔開心呀

生日飯@最愛的家

農曆生日

20110921

20110919

20110913

buffet

奇蹟 (更新)

媽媽今日3點幾去醫院睇報告啦, 希望奇蹟會降臨係佢身上

醫生話佢以家係第三期尾, 要再去check多次, 但係政府check要排好耐, 所以16號要去私家check, check完會開始化療

請問大家有無兼職介紹我做呀, 因為之後嘅醫藥費會好貴~

媽媽加油!!!

廿載情

新版

已經轉左新版啦, 仲係好唔習慣呀, 有d朋友好似唔見左, 同埋有d無相又無轉返名, 都唔知邊個係邊個

琴日轉, 但資料仲係搬移中請稍後嘅???

K.1

草蜢繼續‧忘我

又係草蜢呀~

唔記得唱緊咩歌啦,要拖住隔離,不過我無呀

岩岩隊樂隊坐係我左手邊,睇到佢打鼓真係好勁































ENCORE完,再ENCORE

星期五放工去睇草蜢,無舞台特別效果,無嘉賓,只有佢地三個,已經可以HIGH足全場,現今無歌手可以好似佢地咁

今次坐我隔離我陌生人真係令到我好無引,D人都企晒係度,但我隔離個D就坐係度,不過我都好少理,我都會照企,連喉嚨都叫沙埋啦~

飲返杯

20110812

早到的生日禮物

星期日Pong又要返工啦,我10點幾起身去銅鑼灣搵佢,同佢食小籠包,買票睇美國隊長,之後行街,haha...

早左個幾月買生日禮物比我,我足足遲左3年先買,買左之後梗係即刻入廁所換鞋啦,睇完戲4點幾,坐底飲左杯咖啡,6點去仁濟探媽媽啦

傻仔日

上個星期六6/8,諗住放工去銅鑼灣搵pong去食lunch,去貓地攤仲帶埋個大機去,去到勁多人,原來要book位,我真係唔知呀,之後玩左一陣貓貓,拎相機出黎,呀!!!無電連機都開唔到,前幾日我仲影過,仲有兩格,唔通d電走鬼晒...唉!!白攞添

pong同我食完lunch佢又要返去做野,我就係勁熱,又多人嘅街度行,無意中見到佢,真人都幾型仔喎

返到屋企收到封信,咁快就寄左黎

相隔三個月

眼光光

其實上年有一日我摸到個胸有粒野,跟住即刻去家計會睇,仲去做埋超聲波,只不過係乳線新增,當要返去見家計會醫生時,醫生問我你有無近親有癌症??無喎...直至聽到尼個消息,我好似發緊夢咁,搵人打我兩巴清醒返,日子就會係2/8,媽媽係屋企湊住晉晉,無事發生過...可以嗎??

加油!!

琴晚去醫院探左媽媽啦,個心都即刻定左好多,今日媽媽做手術啦,要成個切除,我同爸爸由7點陪到8點,過探病時間就走啦

謝絕

以前同班同事一齊好開心,放工去唱k,食飯,打邊爐

但唔知從何時開始,我完全唔想參加活動

星期五為一位同事在rudy thursday慶祝生日

今次更加無心情去~

難以平伏

姐姐岩岩話我知,媽媽患乳癌,以家心情難以平伏

睇完就算啦!!!怕見到你地嘅祝福字句,會忍唔住呀^^

水都吹乾

星期五個日真係好開心,6點幾係大圍等一個同學仔一齊坐小巴去荃灣,係小巴度已經講個不停,book左7點,同學仔好快就到齊啦,一路食一路吹,到7點幾另一個同學仔收工,出到黎8點啦,吹到10點轉場再吹~haha

飯聚

今晚同小學同學食飯呀,只係約左我比較熟嘅女仔,都有6,7個架,可惜有兩個唔得閒啦

游水

琴日Pong要返學,又唔想去做gym,所以放工食左個麥當當,唔知係咪太耐無食呢,我食麥樂雞餐$22,我以為我聽錯,睇返張單真係喎,不過我又無問點解,因為太多人啦

爽晒

自己放假

星期六等Pong放工之後去樟木頭搵佢世伯伯母,第二日去飲茶,按摩,午餐,之後就返屋企收拾東東,call車6點幾返出深圳食晚飯

小黃蜂

琴晚終於睇左變形金剛啦,可惜唔可以係imax度睇,真係最大嘅遺憾,最衰哈利咁快上畫啦

新玩具

Pong終於買左尼個新玩具啦,佢知有得jb之後就即刻去買啦,尼幾晚我諗佢都係搞尼部野架啦

今晚終於去睇變形金剛啦,本來想去isquare imax架,但一直都買唔到位,真係激死人,普通嘅都照殺啦

1002

計埋尼篇已經係1002篇啦,1002亦係我生日嘅日子~呵呵

鴨脷洲

琴日星期日我,Pong,伯母揸車去香港仔搵世伯,1點鐘去左鴨脷洲食野,之後行左一陣,唔知係咪肥左,以家行一陣就會出晒汗,我地行左去個唔知咩公園,泊左好多魚船,見到好多鷹係天空飛,仲飛得好低添~

3日

聽日開始放三日假啦,可惜...係落雨天真係好鬼掃興

好耐無行過山啦,好想去行山,好耐無游水啦,好想去游水~

希望在明天啦

大肚

哈哈哈~大家唔好誤會,我唔係大肚,係我兩位認識嘅朋友仔啫,一個係我幼稚園同學有左4個幾月,一個係Pong中學同學兩個半月,佢個中學同學個老公成日都話唔生住,想讀埋書先,點知就意外有左啦,真係好為佢地開心

怪人

唔知點解尼兩三個月係街度成日都有唔知點嘅眼光望住我,

唔通我面上d瘡瘡真係咁嚇人咩,

搞到有時真係唔夠擔抬起頭望人囉...