琴日女人最痛又係我身上發生啦,因為食緊皮膚藥嘅關係,所以唔想再食止痛藥,始終食太多藥對身體都唔係幾好
3點幾開始痛,成日都想嘔,又想痾,好辛苦捱到4點開始頂唔順,同G.M講要想上閣樓休息一陣,佢都叫我走,上到閣樓樓上裝修鑽野,搞到我瞓唔到,都係想返屋企,G.M話車我去巴士站,平時嘅我一定唔需要,出到口開始勁標冷汗,結果佢車埋我返屋企, 返到屋企瞓左一覺真係好好多,但夜晚2點幾又痛醒左
唉!!每個月都係咁真係好唔掂,上次係家計會做檢查check過又無事,究竟係咩問題真係唔知,最衰食緊西藥,真係想睇下中醫
飲多 d 豆漿可能有d 幫助
回覆刪除同埋,o黎完之後平時試 o下飲d山楂
From: http://www.fushantang.com/3000/3100/0300/03030.html
治療痛經、月經不調
中醫認為山楂具有活血化淤的作用,是血淤型痛經患者的食療佳品。血淤型痛經患者常表現為行經第一~二天或經前一~二天發生小腹疼痛,待經血排出流暢時,疼痛逐漸減輕或消失,且經血顏色暗,伴有血塊。患者可取完整帶核鮮山楂二斤,洗淨後加入適量水,文火熬煮至山楂爛熟,加入紅糖半斤,再熬煮十分鐘,待其成為稀糊狀即可。經前三~五天開始服用,每日早晚各食山楂泥三十毫升,直至經後三天停止服用,此為一個療程,連服三個療程即可見效。此法也適合月經不調、中醫辨證為血淤者。
唔好飲同食咁多凍野,寒主痛、寒主收引
[版主回覆08/27/2010 10:17:00]係咪係藥房買架???同唔同山楂餅架??
呢個問題好似嚴重過皮膚喎.............
回覆刪除[版主回覆08/27/2010 11:33:00]兩樣都嚴重
唔係山查餅,間間中藥房都有得買咖
回覆刪除[版主回覆08/27/2010 11:33:00]得閒要試下先, 好過我每個月都要食止痛藥
保重呀..
回覆刪除[版主回覆08/27/2010 11:34:00]thx!!!
唔好飲凍及生冷野, 水都要飲暖水, 之前一個星期做下運動, 有助減輕痛楚....
回覆刪除[版主回覆08/27/2010 14:04:00]生冷野真係少飲左, 以前成日都去做運動嘅, 都減輕唔到
真登妳慘 , 我之前都覺西藥好過中藥 , 但自從經過上次感冒之後 , 以後再病痛都選擇睇中醫 lu , 妳 d 西藥療程仲有幾時完呀 , 快快轉去睇中醫啦
回覆刪除[版主回覆08/27/2010 15:26:00]我d西藥有排呀, 24星期呀
我都會不適, 做女人真辛苦!!
回覆刪除[版主回覆08/28/2010 09:04:00]係呀, 做男人又唔知個種痛, 都唔明白嘅
生過仔就唔痛啦!!都唔知點解 哈哈!!!!
回覆刪除[版主回覆08/30/2010 09:20:00]好似話個子宮大左喎 我阿媽話我姑姐以前都係咁架, 就算係公司都要返屋企架, 生左表哥先無咁痛架
女人可以忍受嘅痛苦程度勁過男人嫁.....
回覆刪除[版主回覆08/30/2010 11:37:00]所以你地男人咪唔明我地嘅慘囉
有無做過超聲波check up呀..?如果無就check下喇~
回覆刪除[版主回覆08/30/2010 17:43:00]無喎, 不過佢個次係伸手入去搞個子宮囉