家用

琴日星期日Pong放工,屋企有我,佢,伯世,伯母4個人,

伯母追問攞家用,Pong平時都係7-8號先比佢,

之後伯母話佢要計數點用,又話d水費越用越多,

鬼咩某人女朋友沖涼沖一個鐘,雖然我都沖得耐,

但係有幾日我都唔會係屋企沖涼嘅,

其實伯母問佢攞家用係好平常嘅事,

養到你咁大比返少少錢佢地都好應該,

有時伯母知佢要交學費會收少d,

最唔抵得係某人又唔會比家用點解又唔問佢攞呢?

如果我係Pong我一定會出聲講,

沖涼沖一個鐘,屋企野又唔買,

養埋某人仲要養埋佢女朋友,

雖然我都好少比,只係新年會比或者有時出糧入下貨咁,

到食飯時某人同女朋友返黎啦,

伯母同Pong講,叫佢儲下錢同我去日本旅行,

雖然日本我真係好想去,

我亦都知道佢讀完之後會好d,

不過去唔去到旅行我唔介意囉

但聽到佢講個句真係嬲嬲地囉,

真係唔似某人唔洗交學費唔洗比家用,

一年去三次旅行囉,

有次佢地去澳門就靜雞雞咁去,

手信都唔返比佢地,

淨係買自己鐘意食嘅野,

講起真係嬲嬲地

我記得之前老婆包講話佢好重家庭觀念,

話一家人應該大家都有自己嘅房,

其實以家唔重家庭觀念嘅人係某人囉,

講真個個都為尼個"家"做野,

咁某人呢又點呀??如果我係Pong我會對尼個家心淡囉,

唔通排最細嘅就有特權咩,咩都要哥哥黎負擔咩??

我係屋企都係最細又唔係屋企住每個月都會比錢媽媽,

仲同姐姐夾錢買電視機比佢

其實我都係想申下啫,如果唔係尼到申,

我怕返到屋企會黑面呀