休息一天

前晚好慘一路瞓一路發冷，都唔知點解所以都無覺好瞓，第二朝起身仲好似嚴重左咁，所以我都無返工啦。瞓到９點幾打返公司請假，１１點去睇醫生，睇完醫生食左碗粥食藥又再瞓過，一向瞓得好好嘅我突然間瞓得唔好，瞓下醒下咁...都唔知想點。

一向唔鐘意食藥嘅我就差少少因為食藥令到我嘔添，真係辛苦。記得我細個時成日都病，隔一、兩個禮拜阿媽就會帶我去睇醫生，醫生多數都係開藥水比我，ｈａｈａ每當食完飯要食藥時，我等媽咪入左廚房我就會張ｄ藥掉左落廁所扮自己食左，不過唔知點解大左就唔會呢？？可能睇醫生要自己比錢所以唔會咁浪費囉，不過我嘅藥通常都係食兩、三次就會唔食嘅。