2007年7月31日 星期二

熱到爆

阿叔一早出左街，10點幾又有份急件，所以就要我去，行去搭車時去左健康工房度買左枝涼茶飯，之後就去搭巴士，好彩都唔係等左好耐啫。到站啦，一路行個身就一路流汗，去到人地公司交低份野就走人，搭巴士返到大圍竟然落雨呀，有帶傘時又唔落，無帶先黎落，雖然落雨，但途經馬會梗係要入去買返張$20嘅六合彩啦。

閱讀更多 »
張貼者： 於 5 則留言:
標籤：

31號的午餐

為慶祝我個飯盒來回，所以我影左今日嘅午餐



張貼者： 於 10 則留言:
標籤：

2007年7月30日 星期一

飯盒

昨晚Pong爸媽來回所以有飯食，又可以帶飯。不過當我拿飯盒時，結果唔見左，我同佢媽媽搵左好耐，之後佢弟弟打電話返黎，所以佢媽媽問下係咪佢攞左，原來係佢。我心諗有無搞錯呀，就算我要唔要帶飯你都問一聲呀，借左都唔緊要啦，用完你都應該攞返黎啦，仲要留左係佢女朋友屋企喎。

一個飯盒幾錢呀，要嘅咪自己買囉，我最憎d人不問自取，仲要唔記得還。

張貼者： 於 13 則留言:
標籤：

2007年7月29日 星期日

20070729

9點幾起身Pong就去左返工, 10半我起身Brushing換衫去搵Pong, 之後同佢食早餐, 食完早餐11點半行去"C"換衫，12點10分有堂BodyCombat啦，玩完之後Pong話要做一個鐘機，所以我去行下路, 行到1點45分就去搵Pong, 而我自己做左一陣機, 2點半就去
閱讀更多 »
張貼者： 於 6 則留言:
標籤：

2007年7月27日 星期五

20070727

昨晚成3點先瞓，所以今朝遲遲都唔想起身，不過我都好快咁整好野就出門口啦，落到巴士站應該搭到我平時班車，但點知等左成4個字先黎喎，頂!!返到公司9點20分。
閱讀更多 »
張貼者： 於 4 則留言:
標籤：

變形金剛

昨晚又同Pong睇戲啦，睇變形金剛，又係午夜場，睇完返到屋企3點呀。

初初我以為佢係好什麼日本片恐龍戰隊o個d咁，但係原來唔係囉，我本人都覺得好好睇，又緊張、又型、仲有少少搞笑，真係要去睇下。
閱讀更多 »
張貼者： 於 7 則留言:
標籤：

2007年7月26日 星期四

瘀左

昨晚踏完單車返到屋企見到"室"頭瘀左少少, 但頭先睇下又黑左少少啦, 按落去仲有d痛添
閱讀更多 »
張貼者： 於 7 則留言:
標籤：

搞掂

由上個禮拜開始積聚嘅工作終於完成啦，唔係因為我懶慢慢做所以先積聚的，而係我要係另一位同事個電腦先可以做到，因為我無那個software得佢先有，頭先佢要出街，所以我就"拿拿林"用佢個電腦，一陣間就搞掂啦。
閱讀更多 »
張貼者： 於 1 則留言:
標籤：

鼻血

我個鼻由細到大每隔一段時間就會有血，但佢唔係流出黎喎，只係用紙巾時會有，但我一d都唔痛喎，今日又開始係咁啦，不過兩三日之後又無事，真係奇怪。
張貼者： 於 7 則留言:
標籤：

20070725

尼幾日真係好多野做，話咁快又6點啦，準時走人。去到旺角火車Pong已經等緊我，之後去左新世紀度買撈撈撈食，好味。一路食一路行去”C”度換衫，我地玩7點50分嘅極速單車班，雖然玩過一次，但都好緊張呀。8點開始啦，踏到中段，我真係想死，一路踏心諗下次比錢我都唔會黎踏，真係攞我命。不過佢出嘅汗真係超多，我嘅汗簡直就係滴出黎。
閱讀更多 »
張貼者： 於 6 則留言:
標籤：

2007年7月24日 星期二

爆鎖

昨晚依舊6點鐘放工，7點50分玩body pump，玩完再玩body combat，Pong要做下機先走，所以我去行下路，行行下有位職員小姐行去d會員身邊講野，唔知講咩，之後行左我隔離同我講，問我check左自己嘅私人物品未，因為男更衣室有人報失，我梗係第一時間上去睇下啦，好彩無事。
閱讀更多 »
張貼者： 於 15 則留言:
標籤：

2007年7月22日 星期日

23號的冷飯

我發覺我個Blog好鬼悶, 因為無咩相, 所以我想影下我嘅冷飯比大家睇下
閱讀更多 »
張貼者： 於 11 則留言:
標籤：

20070722

Pong一早起身去左做gym，12點半返黎噪我起身，食完佢媽媽炒嘅飯之後就去左清水灣，去到差唔多2點啦好多人，我又唔識游水，又無水泡，只係企係水度。我見好多人玩浮床同埋好大隻海豚同海龜呀，遲d我都要買水泡玩先得。
閱讀更多 »
張貼者： 於 7 則留言:
標籤：

2007年7月21日 星期六

健身 20

今堂係新教練，我都唔知佢教得好定唔好，不過好似仲有兩三堂就完啦，我諗佢下一堂又會sell我啦。
今日玩得唔係好重，主要係執返好我嘅姿勢，慘啦...上左咁多堂都好似無咩進步咁，係咪之前嘅教練教得唔好，定係我根本就無心呢？？
好快就過左一個鐘啦，之後就到Pong上堂，我又係去行下路燒下卡路里，等埋Pong上完堂就去沖涼。頭先剛剛黎嘅時候見到佢女仔發坐係度發呆，到兩個鐘之後我要換衫走人，個女仔瞓左係度蓋住條毛巾，仲係著住運動衫，真係恐怖啦。
張貼者： 於 沒有留言:
標籤：

運動手套

昨晚6點鐘放工，Pong係大班買面包，之後係火車站等，一路行一路食。
行左去波鞋街嘅運動鋪，佢買左對健身手套比我，嘻嘻@@，其實我一早都想買，因為我怕手板起"枕"。
閱讀更多 »
張貼者： 於 4 則留言:
標籤：

2007年7月20日 星期五

好攰ar

昨晚本來攞左票係apm睇午夜場嘅男兒本色，但返到屋企食完飯就攤係sofa唔想郁，所以無去到睇戲，就咁浪費左啦。

唔知係咪做得運動多，所以尼排都好鬼攰，每朝都唔想起身返工…好眼瞓呀。
張貼者： 於 2 則留言:
標籤：

2007年7月19日 星期四

20070718

放工無去做gym，同Pong去左又一城行街，佢有張patagonia嘅qpon7月31日到期，所以佢買左兩件衫，之後就坐地鐵返觀塘，去左apm攞男兒本色嘅戲票，因為上次同屋企人係酒樓食完飯埋單送嘅，所以係唔洗錢，如果要錢我地都唔會睇。

閱讀更多 »
張貼者： 於 9 則留言:
標籤：

2007年7月18日 星期三

活洛油

前日玩完Body pump之後就開始周身痛，行路同踎低個大比都好痛，連個膊頭都係...

所以昨晚瞓覺前塗左d什麼活洛油，今朝起身個膊頭已經唔痛啦，但隻腳仲痛過昨日，個身d油味仲好勁...好嗅呀，我感覺自己好似個老人家
張貼者： 於 13 則留言:
標籤：

2007年7月17日 星期二

20070716

6點準時放工，搭火車去旺角搵Pong，Pong係大班買面包，我地決定左做gym之前都係食面包算啦，Pong買完面包係火車站等，之後去左fancl買Perfect Fit Drink，因為我之前飲過一個月效果真係掂，我多數都係做gym之前飲，飲完真係出得勁多汗，所以係Pong嘅同意下，我決定再買，當我同個sales姐姐講我要3盒嘅時後佢又sell我6盒，好啦！咁我要6盒嘅時候佢又sell我買夠3千，因為可以有一年嘅9折〈我以家係95折〉，我覺得佢地真係有毅力，我比錢時佢地又係講同一番說話〈我都想買，不過3千真係好貴呀〉。
閱讀更多 »
張貼者： 於 5 則留言:
標籤：

20070715

下午同Pong去左銅鑼灣行街，係時代廣場出面見到兩隻唔著衫嘅怪物。

閱讀更多 »
張貼者： 於 9 則留言:
標籤：

2007年7月14日 星期六

20070714

短週唔洗返工，11點半比Pong嘈醒左，所以就換衫出旺角搵佢食Lunch啦，佢同我去左板前就食壽司，食到1點半佢就返去做野，我就行一陣旺角，今日真係超熱，一路行我背脊已經出晒汗，之後我行到去之前佢話買太陽眼鏡個度，個間野係好鬼舊，不過比其他眼鏡鋪係平少少，所以我就買左比佢啦 ，之後我就話有份比佢，所以佢落黎攞完我就返屋企啦

閱讀更多 »
張貼者： 於 8 則留言:
標籤：

健身 19

教練下晝4點幾打比我話cancel我問佢點解同埋約返幾時，佢話全部都cancel，吓！即係咩呀？？之後我追問佢都唔答我，所以最後都收左線。
閱讀更多 »
張貼者： 於 2 則留言:
標籤：

哈利

前晚做完gym去左apm諗住買當晚嘅午夜場票"哈利"，點知無好嘅位置，所以就買左第二日嘅午夜場啦。唔知點解Pong比較喜歡睇大院仲次次都係坐O7,8添，好彩係短週唔洗返工啫。
閱讀更多 »
張貼者： 於 2 則留言:
標籤：

2007年7月13日 星期五

短褲

前日放工去到旺角Pong仲開緊會，所以我去左一間化妝品鋪度行左個圈買左支洗面膏，因為我個同事話尼隻都ok，所以我買黎試下。
閱讀更多 »
張貼者： 於 12 則留言:
標籤：

2007年7月12日 星期四

xxxx錯錯錯xxxx

激屎我啦，唔知今日發生咩事，做一樣野錯幾廿次，我明明check過無錯先比人架，點知又係我打錯野，唔通我真係發雞盲，唉唉唉唉唉唉唉唉唉！！！

搞到我無咩心機做野，真係想快d放工，唉唉唉唉唉唉唉唉唉唉！！！
張貼者： 於 7 則留言:
標籤：

吵架公約

剛剛係QQ個Blog度見到，覺得幾好，所以借來轉載...thx QQ
1. 吵架不當著父母，親戚，鄰居的面吵，在公共場所給對方面子。

2. 不管誰對誰錯，只要一吵架，男方必須先輕聲輕氣哄女方一次，女方亦須馬上冷靜下來。

3. 在家吵架不准一走了之，真的要走也不得走出區外，不准不帶手機和關機。

4. 尊敬對方的父母長輩，吵架不開心不能對父母無禮。

5. 有錯一方要主動道歉，無錯一方在有錯方道歉並補償後要儘快原諒對方。

6. 雙方都有錯時要互相檢討，認識到錯誤並道歉後由男方主動提出帶女方出去散心。

7. 要出氣不准砸東西，只能吃東西，實在手癢只能砸枕頭。

8. 吵架儘量不隔夜，晚上睡覺時男方必須主動抱女方，女方生氣百般推讓，男方也不能就此放棄，一定要哄到女方睡著，做上美夢。

9. 每週都要給對方按摩一次，因為大家經常吵架都很辛苦！

10. 吵架時不准掛電話，如果掛了要馬上打回去，並表示歉意。
P.S. 如果我同Pong全部都做到咁就好啦...

張貼者： 於 5 則留言:
標籤：

2007年7月11日 星期三

牛排

唔知點解尼排無之前咁忙,可能我已經習慣左啦

昨晚遲左15分鐘走.出到旺角Pong仲開緊會,咁我就行去左花園街度食勁辣魚蛋,真係好好味
閱讀更多 »
張貼者： 於 沒有留言:
標籤：

手信

Pong弟弟係上個星期一同女朋友出發去日本旅行，出發前佢弟弟問我想d買咩，我就話買波點袋個牌子嘅白色袋，Pong就即刻做兇狠嘅眼神望住我，你又買袋，唔買咪唔買囉，之後我就話，你買史迪仔嘅精品就得啦。
前晚回來啦，我嘅手信係個史迪係匙扣好令架
閱讀更多 »
張貼者： 於 1 則留言:
標籤：

2007年7月10日 星期二

再見大姨媽

真係好大姨媽終於走左啦，而我塊面話咁易又好返晒啦，仲快過用暗瘡水呀，以家知道唔係因為護膚品令我生暗瘡，所以我都洗用用下全部浪費晒啦，以家每日我都會飲一杯即沖嘅多多牌紅棗茶，希望下個月有改善啦。
張貼者： 於 6 則留言:
標籤：

2007年7月7日 星期六

健身 18

我好似成個禮拜都無上過堂啦，有d唔係好想上嘅感覺添。放工都已經即刻走啦，到旺角同Pong係大班買左個面包之後就去換埋衫搞下搞下嘩！7點15分啦，遲左成3個字添。我一路做，佢一路係我隔離講笑，搞到我無力。

好快咁又過左一個鐘啦，佢另一位學生黎搵佢啦，佢就叫我自己做多幾set先自由活動，所以我都做多左幾下。之後同Pong去跑步，行上同落樓梯有d腳軟，都要扶住扶手黎行，跑到8點45分就去排隊玩Body Combat，我喜歡那個教練做放緊假，我諗要到下個禮拜先見到佢啦。
張貼者： 於 9 則留言:
標籤：

2007年7月6日 星期五

20070705

下午做做下野突然諗起原來我好多野想買，但我又無$$$唉！唉！唉！唉！

6點咭鐘響即閃，Pong係大班買包面食完就去中心換衫啦，我係更衣室度hea到7點15先去搵Pong，佢撞到佢個fd所以佢地係度吹水，我就排隊等7點50分嘅Body combat，玩完佢去做機我去跑步，我一路跑一路睇緣來自有機，睇完我地就去沖涼。忽然間我想食糖，所以去左潮特度夾糖啦，行左一陣就坐車返屋企啦，返到屋企食左少少飯，之後搞下東搞下西12點幾就瞓覺啦。
張貼者： 於 9 則留言:
標籤：

2007年7月5日 星期四

炒飯

昨晚休息無去做GYM，7點鐘就返到屋企，7點半開飯，今日食粥，所以無得帶飯。睇電視睇到9點幾走去沖涼，沖完涼剛剛好做學警，11點我就攞左D冷飯、白菜仔同雞蛋炒飯今日帶飯。落菜同飯炒時都好好地，不過一落蛋之後好快就有道燒焦左嘅味，所以炒多兩炒我就熄左火，搞到D飯一D咸一D淡，唉！真失敗。
張貼者： 於 9 則留言:
標籤：

2007年7月4日 星期三

換錢

自從Pong返左旺角之後就越黎越遲起身返工，有時仲遲過我添，真係過份啦。不過佢落樓就係小巴站啦，去到旺角又係佢工作附近落車，幾好呀，而且唔洗半個鐘就到。好出奇今日見佢著牛仔褲返工，所以問下佢原來今日要開會〈因為佢夏天日日都係著短褲〉。

佢臨出門口時攞住張$100同我換$10，因為佢無散子搭小巴，我都無$10喎，不過我有$7，就係咁$100換左$7幾好，之後佢就出左門口lu。

張貼者： 於 9 則留言:
標籤：

2007年7月3日 星期二

20070702

11點幾我擦完牙走去食昨晚未食完嘅薯片，之後Pong爸爸落街用餅咭攞左盒西餅返黎，我又食左2件，我睇熱情仲夏睇到1點幾就執野同Pong去做GYM啦，因為3點40分有堂Body Combat，點知上網睇嘅timetable同佢張紙都唔同，原來係電腦打左，今日無得玩Body Combat，但有得玩bodybalance，我都未玩過，所以就拉埋Pong陪我玩，我見d人又攞yoga mat所以就問下一個我唔認識嘅女仔啦，佢話係太極加瑜伽喎，之後Pong就驚驚地啦，因為佢嘅骨頭都硬晒lu，係女根肉人教練教，玩完之後都覺得幾好玩，而且佢又教得幾好呢，如果時間岩的話我會再玩。之後就同Pong玩多一陣機就沖涼啦。
閱讀更多 »
張貼者： 於 5 則留言:
標籤：

20070701

下午同Pong屋企人係apm度飲茶，之後租左隻十分愛睇，7點鐘同佢嘅舊同學係觀塘，有幾個我都係第一次見，感覺都ok啦，仲有佢嘅exexex gf添不過都唔係第一次見啦，佢d fd成日叫佢去邊度邊度食野，唔怪得知個個都咁肥啦。
閱讀更多 »
張貼者： 於 3 則留言:
標籤：
訂閱： 文章 (Atom)